Visita á central térmica de As Pontes

Mañá mércores, o alumnado de 3º da ESO vai realizar unha visita á central térmica de ciclo combinado de As Pontes que organiza o Dpto. de Sociais. Para optimizar a visita, desde Tecnoloxía elaboramos este documento para que estudedes a actividade industrial na central, así como este cuestionario sobre as centrais de ciclo combinado.

ciclo combinado consiste en simultanear a xeración de enerxía a partir dunha turbina de vapor e dunha de gas natural: nun ciclo, quéimase un combustible (petróleo, carbón, biomasa ou gas natural), e o gas circula por un circuíto activando a turbina de gas; os gases de escape están a moi alta temperatura e utilízanse para quentar unha caldeira de auga, o que produce vapor a alta presión que provoca o movemento de outra turbina.

Estas centrais son menos contaminantes (o gas non tén xofre e xérase menos dióxido de carbono) e teñen máis rendemento enerxético (ata un 55%, fronte ó máximo de 33% das térmicas convencionais), polo que en moitos casos, como en As Pontes, as vellas centrais están adaptándose a ciclo combinado.

Déixovos aquí un enlace dun xogo de Endesa para aprender as diferenzas entre a central térmica convencional e a de ciclo combinado.

 

Mercado de Nadal de Cachatronic Coop.

Hoxe, martes 18 de decembro, tivo lugar o primeiro mercado do noso proxecto cooperativista. Aínda que o tempo non nos axudou e non puidemos estar toda a mañá na rúa, fumos quen de vender os doces todos (gran parte deles no recreo) e varios broches, sacos de herbas aromáticas, un parchís e un lapiceiro. (Podedes ver aquí a nova que publicaron no Correo)

O alumnado de 3º A e B, descontados os gastos (que foron moitos, hai que organizar mellor o da COOPERACIÓN) xuntou case 150€. Talvez tiveron que ver esta “propaganda real“, presentacións coma esta, en About.me,  ou este spot?

Para o 16 de abril faremos outro mercado, esta vez, cheo de obxectos tecnolóxicos (xoguetes eléctricos, expositores móbiles…); o obxectivo é ir tres días a Porto, todos xuntos, como corresponde a un auténtico espíritu cooperativista. Axúdasnos?

Aquí tés as fotos do día!

Cachatronic Coop.

Estamos arrincando o proxecto Cachatronic Coop., unha organización cooperativista de todo 3º na que se unirán máis de 20 pequenas “empresas” para vender produtos reciclados cos que financiar unha viaxe a Portugal.

Aquí podes ver toda a lista de blogs das empresas de 3ºA e 3ºB, de entre os que destacan, por eficientes,  O Corte JallejoDulces AzucarilloImaciChocoBoys Coop. ou Feitizos.

 



Pecha Kucha en Boiro

O pasado xoves 9 de febreiro tivo lugar na ABE de Boiro un acto de Pecha Kucha ó que asistitu o noso reporteiro Adrián Gatbabche; aquí vos deixo o artigo que redactou. Parabéns por ese espíritu curioso, Adrián!!

O pasado xoves 9 de febreiro, tivo lugar na ABE (asociación boirense de empresarios) un proxecto pioneiro no mundo empresarial. Este proxecto chamado “Pucha Kucha”, tivo lugar en Xapón e consiste en explicar 20 imaxes cada unha durante 20 segundos. Cada empresario tivo que presentar a súa empresa desta forma. Neste evento participaron 6 empresas:
– Agalcari (asociación galega de carpinteiros de ribeira)
– Sonaxe (produtora de música)
– Espacio invisible (studio de diseño)
– Rotogal S.L
– Sargadelos
– Lou (conserveira)

Cada unha destas empresas falounos dos seus métodos de traballo, ideas e principios.
Agalcari:
Esta empresa ten moito en conta o respecto medioambiental e fálanos de termos como: sustentabilidade, ecoconcepción e econavegación tamén di que a madeira vai a ser o produto por exelencia do futuro.
Sonaxe:
Sonaxe no seu inicio foi unha empresa creada por dúas mulleres e unha forma de autoemprego. Esta empresa traballa coa escola de música de boiro. Esta empresa é unha cooperativa que é xestionada democraticamente. Esta empresa fai moitos obradoiros para xente maior xa que a música pode axudar a curar algunhas enfermidades. Teñen en mente un proxecto que é facer en Galicia unha rede de escolas musicais.
Espacio invisible:
Esta empresa traballa moito facendo moblería con aparencias e formas  típicas do mar. Usan materiais relacionados coa pesca e tamén reciclan algas para facer moblería.

Unha frase que pode definir a esta empresa é:

Deseño+produción autóctona+reciclaxe = posibilidades

Rotogal S.L:

Esta empresa traballa sempre buscando a innovación industrial. A súa produción e calidade é tal que exportan a 18 países. A súa produción baséase moito no seu entorno. Levaron a cabo un proxecto dun contedores de curación de molusco máis prácticos e mais pequenos tendo a mesma funcionalidade e isto fai que sexan mais  económicos coas que se solen usar.

Sargadelos:

Sargadelos traballa sempre mirando pola cultura, arte, economía e a tradición. Esta empresa traballa coa porcelana, a literatura e con actividades culturais. Sargadelos ten a mellor porcelana do mundo e en cambio a outras empresas a fabricación da súa porcelana faise en España e iso dálle moito valor engadido. Tamén crean por encargo podendo personalizar pezas.

Lou:

Esta empresa sempre está buscando a innovación para poder competir cos grandes como por exemplo, foi a primeira conserveira en España e comercializar con algas e a terceira con orizos. Tamén veu compatible a comercialización de castañas en lata xa que tiña moitos castiñeiros. Os seus traballadores fan moitos dos procesos á man,  como por exemplo: A extracción de materia prima.

Steve Jobs, visionario das comunicacións

Trala morte do pai de Apple, o alumnado fixo uns artigos sobre a súa vida, ente os cales se poden destacar o de Natalia e o de Lois Pimentel de 3º A; Serxio e Rubén Gómez de 4º A e Fran Ageitos, Laura García e Laura Triñanes de 4º C.

Déixovos aquí o de Maitane, un magnífico exemplo de reportaxe, pois aporta moito da súa man!

Steve Jobs

Nacido o 24 de febreiro de 1955 e morto o 5 de Outubro do 2011 dun cancro de fígado, Steve foi un gran xenio na informática, participando na fundación das empresa Apple e Disney. Estivo traballando en Apple dende que se fundou en Abril do 1976 ata o 1985 por mor de que el e o director executivo John Scully non se levaban moi ben. Posteriormente, Jobs volve a Apple, xusto no peor momento da empresa pero enseguida volve a levala polo bo camiño tras ser nomeado director interino en 1997. Unha das cousas máis polémicas logo de volver a Apple foi firmar un acordo con Microsoft para que os ordendores Apple tiveran Microsoft Office.

Co seu software RenderMan fíxose enteiramenter a película gañadora dun óscar: Toy Story da empresa Walt Disney-Pixar.

Foi o creador de numerosos sistemas operativos e tamén presentou o primeiro ordenador con interface gráfica de usuario o Macintosh 128K. Dese ordenador ven o nome do sistema operativo que de tódolos ordenadores Macintosh o Mac OS distribuido para o gran público, con interface gráfica de usuario que incluía o rato, ventás, iconas e menús.

Todos estes logros son produto da súa filosofía “Se queres, podes”. Outras frases célebres súas foron “Tede o valor de seguir o voso corazón e a vosa intuición” e “Que o ruído das opinións non afogue a vosa voz interior”.

O último invento de Steve, presentado vinte e catro horas antes da súa morte, é o “Siri” que está no novo iPhone 4S. Siri  comprende as preguntas que lle fas. Por exemplo, se lle dis ¿Como está o tráfico aquí? el atopa a túa posición GPS e dicho! É moi eficaz pois axúdache cos mensaxes, chamadas, correos, organizador, a tomar notas, facer cálculos, obter información turística, etc. só tes que pedirllo! Unha auténtica revolución nos teléfonos móviles! Polo seu gran traballo, bótaremolo de menos.

Breve historia de Apple

Saída extraescolar en 3º da ESO: AIMEN

Hoxe atopei unha nova referida precisamente á visita que estamos a organizar: o Centro Tecnolóxico AIMEN, ubicado no polígono industrial de Porriño, Pontevedra, cuxa actividade laboral se desplega desde o 1967 e se basea no fomento e execución de actividades de I+D+I para desenvolver tecnoloxías emerxentes, propiciando a innovación das empresas coas que colabora.

A nova da que vos falo é o anuncio da creación dun sistema láser para recuperar placas solares descatalogadas de fábrica. A industria fotovoltaica xenera gran cantidade de células de baixa eficiencia, debido ao seu complexo proceso de fabricación. Arrededor dun 8% das pezas solares fabricadas son defectuosas, e o mercado non contaba, ata agora, cunha solución efectiva para a reutilización destos desfeitos. O proxecto liderado por AIMEN, (sistema REPTILE) permitirá a produción de pezas fotovoltaicas de características melloradas e xeometría personalizada, para ser utilizadas en solucións de integración arquitectónica de todo tipo (edificios, infraestructuras, señalización, etc.), a un coste moi competitivo.

Alí iremos a ver como desenvolven este tipo de proxectos!!

Produción industrial: o proceso

O tema de exposición en 4º está a ser o proceso de produción industrial, incluíndo: tipos de empresas, procesos produtivos artesanais e industriais, mercado e lei da oferta e a demanda, a presentación comercial e distribución de produtos, hixiene industrial, ergonomía e impacto da fabricación.

Os rapaces de 4º PDC fixeron unha boa exposición do tema todos xuntos, que vos deixo aquí por se queredes repasar os conceptos teóricos. O resto dos grupos fixeron desta volta uns vídeos, dos que irei colgando algún. Comezamos hoxe polo vídeo “A distribución de produtos. Embalaxe, canles, almacenamento. Concepto da obsolescencia programada”, que fixeron Álex, Rami, Dani e Adrián, de 4º A. Lembrade que os podedes ver todos aquí.

Disfrutade deste!