Día da sobrecarga da Terra

Parece o título dunha película de Will Smith, pero non: é o día en que  humanidade excede o consumo sustentábel de recursos renovables e a capacidade de absorción de dióxido de carbono (CO2); en comparación co ano pasado, adiantouse dous días. Durante o resto do ano cubriremos o déficit ecolóxico esgotando reservas de recursos e aumentando a concentración de CO2 na atmosfera e, en consecuencia, agravando o quentamento global. E aínda máis: a translimitación ecolóxica teríase producido moito antes se a humanidade vivise como a media da poboación galega.

No artigo de Praza atoparedes máis información. Mirade polo noso planeta!!

Pétreos e minería

Estamos comezando a ver os pétreos en 3º, e xunto ás presentacións que se están elaborando para estudar aspectos técnicos da obtención e aplicación deste tipo de materiais, pedín unha reflexión sobre o uso dos mesmos na historia de Galicia.

Algúns estades preguntando polo problema que saltou ós medios sobre a mina de Corcoesto: unha canteira para obter ouro na que os costes ambientais serían terribles. Podedes ver en artigos de Praza ou Público moita información, pero suxírovos que escoitedes este audio do programa de Radio3 Hoy Empieza Todo, onde se fala de diversos mitos medioambientais e, particularmente, das consecuencias de explotar canteiras deste tipo: 150 000 Tm de montaña para obter 1Tm de ouro, amén de deceas de miles de toneladas de substancias como arsenio ou cianuro de sodio, que pasarán a contaminar os nosos ríos. A pregunta é: merece a pena este tipo de explotacións para obter algo coma o ouro? Escoitade o programa e facede as vosas propias reflexións nos blogs.

Hoy empieza todo con Marta Echeverría – Desmontando los mitos del medio ambiente – 02/05/13Escuchar audioHoy empieza todo con Marta Echeverría - Desmontando los mitos del medio ambiente - 02/05/13

Fluorescentes e aforro enerxético

Aquí vos deixo un interesantérrimo artigo de María L. en EducaconTic:, onde nos explica que é unha lenda urbana iso de deixar acesos os fluorescentes por non gastar: aínda que é verdade que estes absorben máis intensidade no arranque, iso é durante microsegundos, de xeito que a potencia total do acendido é menor que a do funcionamento. Así pois, lembrádeo: hai que apagar sempre as luces ó saír!!

Como complemento do artigo, unha infografía de Eroski sobre as lámpadas de baixo consumo:

 

Smart Cities

Rematando coas exposicións sobre instalacións do fogar, o grupo de Alejandra, Xurxo e Marco fixeron unha boa exposición sobre as tendencias futuras neste concepto. Así, faláronnos de domótica e nanotecnoloxía, enerxías renovables e vehículos híbridos, e en xeral das previsións das smart cities. Non sabes o que son? Aquí tedes un bo documental que o explica, xunto a unha reportaxe moi interesante que os vosos compañeiros atoparon no País Semanal:

Concurso: Ante a crise, aforro enerxético!

Aquí tedes información para un concurso de internet que nos gustou moito polos seus contidos, pois son materia de estudo na terceira avaliación, para os de 2º e os de 3º: Ignacio López Bueno de presentacións informáticas.

O IES “Terra de Trasancos” organiza a V Edición do Concurso de Presentacións Informáticas “Ignacio López Bueno” que este ano terá como tema:

“ANTE A CRISE: AFORRO ENERXÉTICO”

PARTICIPANTES:

O concurso vai dirixido ao alumnado de ESO, BACHARELATO e CICLOS que estean matriculados no presente curso en centros de Galicia.

Cada un dos participantes deberá acompañar o seu traballo dun certificado de matrícula nalgún dos centros da nosa Comunidade Autónoma.

TRABALLO:

  Consistirá nunha presentación informática na que se poderán incluír  fotos, vídeos, música, etc… e que terá como tema “ANTE A CRISE: AFORRO ENERXÉTICO”

VALORACIÓN DO TRABALLO:

Para a valoración do traballo terase en conta:

  • O rigor científico
  • Tratamento medioambiental
  • Orixinalidade da presentación e dos contidos
  • Os aspectos tecnolóxicos e plásticos: efectos, música, animacións, …
  • A calidade lingüística e literaria

ENTREGA DO TRABALLO:

Na Secretaría do centro IES “TERRA DE TRASANCOS”
Por correo ordinario  en formato CD  ou DVD
Por correo electrónico, poñendo como asunto: V Concurso de presentacións informáticas “Ignacio López Bueno”
Terá que constar o nome do alumno, o curso, o centro no que está matriculado, o nome do profesor encargado e os seus datos de contacto.

ENDEREZOS:

IES “TERRA DE TRASANCOS”, CAMIÑO REAL s/n  C.P. : 15570  NARÓN.

ies.terra.trasancos@edu.xunta.es

DATAS DE PRESENTACIÓN:

Os traballos  terán como data límite para a súa presentación o día 12 de Abril do 2012.

PREMIOS:

Haberá dous premios divididos en dúas categorías:

  • 1 premio para alumnos de ESO dotado con DIPLOMA e 150 EUROS  en material informático, audiovisual (cds, películas, etc) ou libros.
  • 1 premio para alumnos de Bacharelato e Ciclos dotado con DIPLOMA e 150 EUROS en material informático, audiovisual (cds, películas, etc) ou libros.

Que vén despois do protocolo de Kioto?

Novamente, os nosos reporteiros informan. Brillantes traballos de Esteban, Brais, Nuria, Vicky, Laura Triñanes, Cristina e Alexanra e Laura García.

Quédome co de Maitane por breve, claro e conciso, o que se require sempre para unha entrada de blog. Non deixedes de ver estoutro, da revista Sin Permiso, redactado polo xornalista Alejandro Nadal.

Mapa sobre o protocolo de Kioto en 2009:

Paises co protocolo firmado e ratificado

Paises co protocolo firmado e sen ratificar

Países neutrais

Como saberedes, o protocolo de Kioto, unha exitosa lexislación destinada a loitar contra o cambio climático reducindo ao menos as emisións de gases de efecto invernadeiro (CO2,CH4,N2O, HCF, PCF e FS6) nun mínimo do 5% respecto ás dos anos 90, deixa de estar vixente en 2012; e…. que ven despois?

Pois Europa na reunión que se celebra durante 13 días en Durban propuxo prolongar no tempo a vixencia de dito protocolo (concretamente ata 2020) e, a pesar de ter o apoio de 80 países entre os que se contan Sudáfrica e Brasil, non se pode dicir o mesmo de Xapón, Rusia e Canadá posto que non participarán nese proxecto e de China, Estados Unidos e India que aínda non se pronunciaron respecto da súa posición no tema.

É obvio que este proceso de renovación do protocolo non pode ir adiante sen eses países así que lles pregamos a súa axuda para que a temperatura da Terra non suba máis de 2ºC nos próximos anos; pois seguro que todos queremos que os nosos descendentes coñezan a Terra como un fogar limpo e habitable e non como o sitio inhóspito e contaminado no que se podería convertir en pouco tempo se non controlamos a contaminación que día tras día botamos á atmosfera. A Terra deúnolo todo, devolvámosllo deixando de destruíla.