Amores Prohibidos 2.0

Onte presentouse no noso insti o proxecto de teatro e redes sociais “Amores Prohibidos 2.0“. Para isto, viñeron ó centro tres dos integrantes da compañía Chévere, as concellalas de Cultura e de Educación do concello, e numerosos medios de prensa. E podedes dicir: que tén esto que ver coa Tecno?

Ben: como dixo Miguel de Lira na presentación, trátase “redealidade“, ou sexa, que o proxecto se vai transmitir nas redes sociais (particularmente en Redenasa.tv), e como? A través de pequenas gravacións subidas polos protagonistas da obra (mozos e actores profesionais) e mediante os posts dos espectadores, que interactuarán cos personaxes. Todo isto do 20 ó 25 de abril. É un proxecto pioneiro en España, e agardamos que chegue a moita xente. Desde a nosa área, amiga da cultura e non reñida coas redes sociais, aportaremos o noso gran de area facendo gravacións e estudando esas novas vías de (tele)comunicación. Xa iremos informando!!

Lei SOPA, según Esteban de 4ºA

A lei SOPA  é un proxecto de lei estadounidense que vén de Stop Online Piracy Act. Ten como obxectivo eliminar as webs que violen contido copyright. Ademais de eliminar a páxina web que viole os dereitos, non se podería enlazar a ese suposto sitio. Por exemplo, Google non podería mostrar  nas súas búsquedas a web Megaupload. Tamén se vería afectada a privacidade, xa que se se está supostamente violando o copyright, gárdanse o dereito de espiarnos.

Nas redes sociais o problema sería que se publicas a foto dun amigo sería un delicto. En youtube ou vimeo subir un video con música dun grupo musical acabaría en sanción.

Aínda que sexa un proxecto de lei estadounidense tamén afectaría a páxinas españolas ou europeas.

Fontes:

  1. http://alt1040.com/2012/01/que-es-y-como-funciona-la-ley-sopa-en-terminos-simples-y-sencillos
  2. http://www.sexenio.com.mx/queretaro/articulo.php?id=3531

E un vídeo que tirei do facebook da Cachada:

 

Que vén despois do protocolo de Kioto?

Novamente, os nosos reporteiros informan. Brillantes traballos de Esteban, Brais, Nuria, Vicky, Laura Triñanes, Cristina e Alexanra e Laura García.

Quédome co de Maitane por breve, claro e conciso, o que se require sempre para unha entrada de blog. Non deixedes de ver estoutro, da revista Sin Permiso, redactado polo xornalista Alejandro Nadal.

Mapa sobre o protocolo de Kioto en 2009:

Paises co protocolo firmado e ratificado

Paises co protocolo firmado e sen ratificar

Países neutrais

Como saberedes, o protocolo de Kioto, unha exitosa lexislación destinada a loitar contra o cambio climático reducindo ao menos as emisións de gases de efecto invernadeiro (CO2,CH4,N2O, HCF, PCF e FS6) nun mínimo do 5% respecto ás dos anos 90, deixa de estar vixente en 2012; e…. que ven despois?

Pois Europa na reunión que se celebra durante 13 días en Durban propuxo prolongar no tempo a vixencia de dito protocolo (concretamente ata 2020) e, a pesar de ter o apoio de 80 países entre os que se contan Sudáfrica e Brasil, non se pode dicir o mesmo de Xapón, Rusia e Canadá posto que non participarán nese proxecto e de China, Estados Unidos e India que aínda non se pronunciaron respecto da súa posición no tema.

É obvio que este proceso de renovación do protocolo non pode ir adiante sen eses países así que lles pregamos a súa axuda para que a temperatura da Terra non suba máis de 2ºC nos próximos anos; pois seguro que todos queremos que os nosos descendentes coñezan a Terra como un fogar limpo e habitable e non como o sitio inhóspito e contaminado no que se podería convertir en pouco tempo se non controlamos a contaminación que día tras día botamos á atmosfera. A Terra deúnolo todo, devolvámosllo deixando de destruíla.

Steve Jobs, visionario das comunicacións

Trala morte do pai de Apple, o alumnado fixo uns artigos sobre a súa vida, ente os cales se poden destacar o de Natalia e o de Lois Pimentel de 3º A; Serxio e Rubén Gómez de 4º A e Fran Ageitos, Laura García e Laura Triñanes de 4º C.

Déixovos aquí o de Maitane, un magnífico exemplo de reportaxe, pois aporta moito da súa man!

Steve Jobs

Nacido o 24 de febreiro de 1955 e morto o 5 de Outubro do 2011 dun cancro de fígado, Steve foi un gran xenio na informática, participando na fundación das empresa Apple e Disney. Estivo traballando en Apple dende que se fundou en Abril do 1976 ata o 1985 por mor de que el e o director executivo John Scully non se levaban moi ben. Posteriormente, Jobs volve a Apple, xusto no peor momento da empresa pero enseguida volve a levala polo bo camiño tras ser nomeado director interino en 1997. Unha das cousas máis polémicas logo de volver a Apple foi firmar un acordo con Microsoft para que os ordendores Apple tiveran Microsoft Office.

Co seu software RenderMan fíxose enteiramenter a película gañadora dun óscar: Toy Story da empresa Walt Disney-Pixar.

Foi o creador de numerosos sistemas operativos e tamén presentou o primeiro ordenador con interface gráfica de usuario o Macintosh 128K. Dese ordenador ven o nome do sistema operativo que de tódolos ordenadores Macintosh o Mac OS distribuido para o gran público, con interface gráfica de usuario que incluía o rato, ventás, iconas e menús.

Todos estes logros son produto da súa filosofía “Se queres, podes”. Outras frases célebres súas foron “Tede o valor de seguir o voso corazón e a vosa intuición” e “Que o ruído das opinións non afogue a vosa voz interior”.

O último invento de Steve, presentado vinte e catro horas antes da súa morte, é o “Siri” que está no novo iPhone 4S. Siri  comprende as preguntas que lle fas. Por exemplo, se lle dis ¿Como está o tráfico aquí? el atopa a túa posición GPS e dicho! É moi eficaz pois axúdache cos mensaxes, chamadas, correos, organizador, a tomar notas, facer cálculos, obter información turística, etc. só tes que pedirllo! Unha auténtica revolución nos teléfonos móviles! Polo seu gran traballo, bótaremolo de menos.

Breve historia de Apple

O ente público galego

Eis un vídeo onde o artista Carlos Blanco explica a importancia que tén para a cultura dun país conservar un medio audiovisual propio; tamén fala das eivas que tivo nestes anos a TVG, algo do que andamos a falar agora coas exposicións sobre Medios de Comunicación en 4º.

(Non vos podo insertar directamente o vídeo, que estes días non vai ben o servidor de Blogaliza…)

Carlos Blanco coa Galega


 

 

Comezamos o curso á velocidade da luz…

…que ata agora se pensaba era a máxima velociade alcanzable no universo. Pero o venres, o mundo acordou coa nova de que un tipo de neutrinos pode superar esa velocidade, e iso, futuros enxeñeiros, sería unha revolución no mundo da ciencia.

Apenas cinco meses despois de visitarmos o CERN, o laboratorio de Física Nuclear que sustenta a Unión Europea, anunciouse este conmocionante suceso, cuxa xenuinidade haberá que verificar nos próximos meses. Déixovos aquí unha foto da prensa: na primeira liña, moi atenta, está Teresa Fonseca, a moza que nos amosou en persoa o experimento Atlas: