As TIC e os medios de comunicación

Estes días en Informática imos ver o 1º e 2º capítulo da serie Black Mirror, unha serie británica creada por Charles Brooker que fai un interesante estudo da sociedade actual e da importancia que cobran nela as redes sociais como Twitter.

No primeiro capítulo (“O himno nacional”) faise unha “declaración” sobre a evolución da arte contemporánea e barállanse termos como proxy, trending topic, timeline, censura en prensa… No segundo (“Quince millóns de méritos”) valórase o alcance dos reality shows e bosquéxase un estudo sobre a estratificación da sociedade hoxe. O terceiro (“A túa historia completa”), que veremos en Tecno, trata das TIC e a ética: que sería da nosa vida se ficase gravado todo o que nos pasa?

Cada alumno elaborará un comentario de texto sobre os capítulos nos seus blogs de informática.

 

Amores Prohibidos 2.0

Onte presentouse no noso insti o proxecto de teatro e redes sociais “Amores Prohibidos 2.0“. Para isto, viñeron ó centro tres dos integrantes da compañía Chévere, as concellalas de Cultura e de Educación do concello, e numerosos medios de prensa. E podedes dicir: que tén esto que ver coa Tecno?

Ben: como dixo Miguel de Lira na presentación, trátase “redealidade“, ou sexa, que o proxecto se vai transmitir nas redes sociais (particularmente en Redenasa.tv), e como? A través de pequenas gravacións subidas polos protagonistas da obra (mozos e actores profesionais) e mediante os posts dos espectadores, que interactuarán cos personaxes. Todo isto do 20 ó 25 de abril. É un proxecto pioneiro en España, e agardamos que chegue a moita xente. Desde a nosa área, amiga da cultura e non reñida coas redes sociais, aportaremos o noso gran de area facendo gravacións e estudando esas novas vías de (tele)comunicación. Xa iremos informando!!

Lei SOPA, según Esteban de 4ºA

A lei SOPA  é un proxecto de lei estadounidense que vén de Stop Online Piracy Act. Ten como obxectivo eliminar as webs que violen contido copyright. Ademais de eliminar a páxina web que viole os dereitos, non se podería enlazar a ese suposto sitio. Por exemplo, Google non podería mostrar  nas súas búsquedas a web Megaupload. Tamén se vería afectada a privacidade, xa que se se está supostamente violando o copyright, gárdanse o dereito de espiarnos.

Nas redes sociais o problema sería que se publicas a foto dun amigo sería un delicto. En youtube ou vimeo subir un video con música dun grupo musical acabaría en sanción.

Aínda que sexa un proxecto de lei estadounidense tamén afectaría a páxinas españolas ou europeas.

Fontes:

  1. http://alt1040.com/2012/01/que-es-y-como-funciona-la-ley-sopa-en-terminos-simples-y-sencillos
  2. http://www.sexenio.com.mx/queretaro/articulo.php?id=3531

E un vídeo que tirei do facebook da Cachada:

 

facebook + icloud = divorcio

Ultimamente non paro de oír casos que, máis aló do que me sorprenden por avances tecnolóxicos, fano polo que implican de cambio social, especialmente no ámbito das parellas…

O outro día faláronme dunha moza que descubriu a infidelidade da súa parella porque pescudou onde estaba este (a quen non lle cría a súa versión de que ía a un congreso a Madrid) a través da aplicación de xeolocalización do seu móbil smartphone (lembrades que estudamos esta opción nas clases, no tema de Comunicación e Ondas?). En efecto, estaba nunha leira non moi lonxana do seu piso, e non só…

Outro amigo meu contoume que estaba tan apenado porque a súa muller non quixese recoñecer a súa infidelidade, que decidiu deixala e, para non fraquear en tal momento, quebrou a seguridade do iCloud da rapaza e pendurou do facebook algunha das fotos íntimas que esta tiña nese non tan íntimo espazo virtual dos novos iPhone.

Están seguros os nosos datos na nube?” é un interesante artigo do Eroski que vos recomendo ler. Estamos nós seguros inmersos na rede de wifis e telefonías móbiles? é unha cuestión que me plantexo decote…


O ente público galego

Eis un vídeo onde o artista Carlos Blanco explica a importancia que tén para a cultura dun país conservar un medio audiovisual propio; tamén fala das eivas que tivo nestes anos a TVG, algo do que andamos a falar agora coas exposicións sobre Medios de Comunicación en 4º.

(Non vos podo insertar directamente o vídeo, que estes días non vai ben o servidor de Blogaliza…)

Carlos Blanco coa Galega


 

 

Cachada Revoluxion

Hoxe varios rapaces do insti deron exemplo do que é crer nunha causa e da súa capacidade de organización cando as circunstancias o requiren. En apenas dous días organizaron unhas asembleas informativas sobre o movemento do 15M e convocaron a todo o centro a participar nun acto simbólico que consistía en saír mudos ao patio, todos vestidos de negro, e tumbarse ata que se daba un sinal. Entón, quitando as mordazas, berraban (berramos, había varios profes por alí tamén):

O FUTURO NON SE VENDE

Acudiu bastante prensa ao evento. Podedes ver por exemplo a bonita reportaxe de Canal 7 (Rías Baixas).

O móbil: con nós ou contra nós?

Dado que cada vez os móbiles incorporan máis funcións, e dado que os servizos wifi e 3G melloran a pasos a xigantados, é lóxico que o uso do móbil aumente en todo o mundo.

Nun artigo recente de Eroski fálasenos da posibilidade de oír música en calquera ubicación, sempre que teñamos conexión á rede. Numerosos servidores permítennos aloxar arquivos de música que logo podemos oír en calquera terminal de internet, e por extensión, no móbil. Un exemplo: GoogleAmazon non conseguiron que as discográficas lles cedan os dereitos para desenvolver en EEUU un servizo similar a Spotify, polo que no seu lugar deseñaron servizos n’ “a nube“, aos cales podemos subir o noso catálogo musical e acceder despois a el desde calquera dispositivo e lugar, sempre que teñamos conexión a Internet. Polo momento non funcionan en España, pero aquí xa temos outras alternativas interesantes (Grooveshark, Google Music, Dropbox…), lugares onde a música pode escoitarse (tanto en móbil como en ordenador ou tableta), aínda que non, polo de agora, compartila con outros usuarios.

Outra interesante aplicación en crecente uso nos móbiles son os xogos de realidade aumentada: abonda un móbil de última xeneración con cámara, un grupo de amigos conectados pola rede e un localizador GPS para disfrutar de aplicacións de realidade aumentada coas cales se poden xogar videoxogos propios de ordenador, incorporando  gráficos que combinan o espazo real que temos diante con outra capa de información correspondiente ao videoxogo. Deste modo, pode competirse con outros xogadores, mesmo a pé de rúa, ao estaren todos conectados por Internet móbil.

Nunha liña igual de atractiva aínda que menos lúdica, está a posibilidade de utilizar o móbil como medio de pago. Google desenvolveu (por agora só en EEUU) un servizo para os móbiles con sistema operativo Android que permitirá o pago mediante tecnoloxía inalámbrica Near Field Communication (NFC). Achegando o teléfono a un código de barras e introducindo o pin efectúase o pago.

Pero coidado!! non todo son alegrías. Un recente estudo da OMS infere que o uso prolongado de móbil (30 minutos diarios durante uns 10 anos) está relacionado coa aparición dun cancro maligno, o glioma. Así que ollo…